ოთარ აბესაძეს თბილისის საქალაქო სასამართლომ აღკვეთის ღონისძიებად პატიმრობა შეუფარდა

2017-07-14



ოთარ აბესაძეს აღკვეთის ღონისძიებად პატიმრობა შეეფარდა. 

თბილისის საქალაქო სასამართლომ დააკმაყოფილა ბრალდების მხარის მოთხოვნა და საქმეზე წინა სასამართლო სხდომა 31 აგვისტოს 11:00 საათზე ჩაინიშნა. 

გადაწყვეტილების არგუმენტად მოსამართლე მოწმეებზე ზემოქმეებისა და მიმალვის საფრთხეს ასახელებს.

ბრალდებული ოთარ აბესაძე სასამართლოზე სიტყვით გამოვიდა. 

აბესაძემ ოჯახს, მეგობრებსა და საზოგადოებას მოუბოდიშა და განაცხადა, რომ მისი მიმალვის საფრთხე არ არსებობს.

„ეს არ ნიშნავს იმას, რომ არ ვითანამშრომლებ გამოძიებასთან, რათა საქმე გავიდეს ფინიშში. მინდა ოჯახს, მეგობრებსა და საზოგადოებას სინანულით მოვუხადო ბოდიში, არ წარმოვადგენ მე იმ საშიშროებას, საფრთხეს, რომ საქმის მსვლელობას შევუშალო ხელი, მქონდა პროგრესული თანამდებობები, ვკითხულობ ლექციებს. არავინ არ მომცემს იმის უფლებას, რომ მივიმალო. 

არ წარმოვადგენ იმ ადამიანს, ვინც შეიძლება ზიანი მიაყენოს ამ საქმეს. სინანულით ვსაუბრობ და მზად ვარ ვითანამშრომლო. დუმილის უფლებასაც ვინარჩუნებ იქამდე, სანამ საქმის განხილვა დაიწყება. აუცილებლად ჩავერთვები საქმეში. არა ვარ ცუდი ადამიანი“, - განაცხადა აბესაძემ.