შსს-მ თათია დოლიძის მიმართ ე.წ ქართველთა მარშის ორგანიზატორების მუქარის ფაქტზე გამოძიება დაიწყო

2017-07-17



შინაგან საქმეთა სამინისტრომ გაეროში საქართველოს ყოფილი ახალგაზრდა ელჩის თათია დოლიძის მიმართ ე.წ ქართველთა მარშის ორგანიზატორების მუქარის ფაქტზე გამოძიება დაიწყო.

ამის შესახებ შსს განცხადებას ავრცელებს:

„საქართველოს შსს-ს ქ. თბილისის პოლიციის დეპარტამენტის დეტექტივების სამმართველოში 2017 წლის 17 ივლისს დაიწყო გამოძიება სოციალური ქსელის საშუალებით თათია დოლიძის მიმართ განხორციელებული მუქარის ფაქტზე. დანაშაული გათვალისწინებული საქართველოს სსკ-ის 151-ე მუხლით“, - ნათქვამია შსს-ს განცხადებაში.

შეგახსენებთ, ე.წ ქართველთა მარშის ორგანიზატორები, გაეროში საქართველოს ყოფილ ახალგაზრდა ელჩს თათია დოლიძეს მის მიერ დაწერილი სტატუსის გამო გაუპატიურებით დაემუქრნენ.