ბექა ხოფერიას ქორწინებები
ბექა ხოფერიას პირადი ცხოვრება საკმაოდ მრავალფეროვანია. მისი პირველი მეუღლე იყო მომღერალი თიკა ჯამბურია, რომელთანაც ქალიშვილი, ნინა, ჰყავს. მათი ურთიერთობა დასრულდა გარკვეული დროის შემდეგ. ამ განშორების შესახებ საჯაროდ თიკა ჯამბურია ხშირად საუბრობდა და ამბობდა, რომ მეუღლესთან განქორწინება მტკივნეულად გადაიტანა, თუმცა თიკა და ბექა დღემდე ინარჩუნებენ მეგობრულ ურთიერთობას და ქალიშვილის აღზრდაში ორივე ჩართულია.
მეორე ქორწინება ბექა ხოფერიამ 2015 წელს ასირიელ გოგონაზე, ინა ოსიპოვაზე გააფორმა. წყვილს 2016 წლის შვილის შეეძინა, თუმცა ისინი ერთმანეთს დაშორდნენ.
მოგვიანებით ცნობილი გახდა, რომ ბექა ხოფერიას რომანი სოფო ქურდიანთან ჰქონდა, მათ ორი შვილი ჰყავთ, ქორწილი კი გასულ ზაფხულს იტალიაში გადაიხადეს. მიუხედავად რეზონანსული ქორწილისა, წყვილი ერთმანეთს დაშორდა და სულ ცოტა ხნის წინ ბექა ხოფერიამ კადრები მალდივებიდან გამოაქვეყნა, სადაც ახალ რჩეულთან, ნუცა ადამიასთან ერთად ისვენებს.
ვინ არის ნუცა ადამია?
ნუცა ადამია საზოგადოებამ 2016 წელს გაიცნო, როდესაც ის ნიკუშა ალასანიაზე, საქართველოს თავდაცვის ყოფილი მინისტრის, ირაკლი ალასანიას ვაჟზე, დაქორწინდა. წყვილს 2016 წელს ქალიშვილი, თინათინი, შეეძინა. თუმცა, ნუცა ადამია და ნიკუშა ალასანია მოგვიანებით დაშორდნენ ერთმანეთს.
ბექა ხოფერია პირად ცხოვრებაზე მედიასთან არ საუბრობს. ბიზნესმენის დედა კი, რამდენიმე თვის წინ, ერთ-ერთ სატელევიზიო ინტერვიუში ამბობდა:
“მე თუ რძალს არ ვეყვარები, ჩემს შვილიშვილსაც არ ვეყვარები. თუ გვერდში არ დავუდგები, არც ჩემი შვილიშვილი დამიდგება გვერდით. ჩვენ უნდა გავცეთ და ვაჩვენოთ შვილებს ისეთი რამ, რაც მათ დაამახსოვრდებათ. პატიება უნდა იცოდნენ, სიყვარული. მადლობა ღმერთს, არიან ჩემი შვილების ცოლები მრავლად და აღმოჩნდა, რომ კარგები არიან, დიდი მადლობა მათ ასეთი დამოკიდებულებისთვის…”
