„ხუთი გასროლის ხმა იყო, თავდაპირველად ორი, შემდეგ კიდევ ორი და ბოლოს ერთი გასროლის ხმა. გოგოები გარბოდნენ შეშინებულები” – რუსთავში დატრიალებული ტრაგედიის ახალი დეტალები

ცნო­ბი­ლი ხდე­ბა რუს­თავ­ში მოკ­ლუ­ლი დედა-შვი­ლის ვი­ნა­ო­ბა. “ინ­ტერპრეს­ნი­უ­სის” ცნო­ბით, ახალ­გაზ­რდა კაც­მა მისი მე­უღ­ლე მა­რი­ამ სოფ­რო­მა­ძე და სი­დედ­რი ინგა ბე­გაშ­ვი­ლი ცე­ცხლსას­რო­ლი ია­რა­ღით და­ხო­ცა.

და­ნა­შა­უ­ლი დღეს, რამ­დე­ნი­მე სა­ა­თის წინ მოხ­და.

„ხუთი გასროლის ხმა იყო, თავდაპირველად ორი, შემდეგ კიდევ ორი და ბოლოს ერთი გასროლის ხმა. გოგოები გარბოდნენ შეშინებულები,რომლებიც ისეთი შეშინებულები იყვნენ, ვერაფერი მითხრეს, მერე ჩვენ თვითონ წამოვედით. ვნახეთ ორი გარდაცვლილი. აქეთ კი, ეტლი იყო გამოგორებული, პატარა ბავშვი იყო შიგ, ალბათ, 1 წლის იქნებოდა. ის ბავშვი სკვერში მე წამოვიყვანე, პოლიციელს ვუთხარი, რომ მე წავიყვან-მეთქი. მერე ბავშვი ექიმებმა წაიყვანეს. თვითონ ის კაცი, რომელმაც ისროლა არ გარბოდა, ადგილზე იყო ისე ჩასვეს მანქანაში”, – ამბობს თვითმხილველი.

თვითმხილ­ვე­ლის თქმით, დედა-შვილს, ინგა ბე­გაშ­ვილს და მა­რი­ამ სოფ­რო­მა­ძეს თან პა­ტა­რა ბავ­შვი ახ­ლდა, რო­მე­ლიც შემ­დეგ სას­წრა­ფო დახ­მა­რე­ბის მან­ქა­ნით წა­იყ­ვა­ნეს.

რაც შე­ე­ხე­ბა უშუ­ა­ლოდ პირს, რო­მელ­მაც სა­ვა­რა­უ­დო გას­რო­ლა გა­ნა­ხორ­ცი­ე­ლა, თვითმხილ­ვე­ლის თქმით, 30 წლამ­დე მა­მა­კა­ცია, რო­მე­ლიც პო­ლი­ცი­ამ ად­გილ­ზე­ვე და­ა­კა­ვა.