„#ფარისევლურიჰოლივუდი“ - ოპრა უინფრის ადანაშაულებენ, რომ მან ჰარვი ვაინშტაინის ქმედებების შესახებ იცოდა

ბრიტანელი მომღერალის სილის განცხადებით, ოპრა უინფრიმ ჰარვი ვაინშტაინის ქმედებების შესახებ იცოდა, - ამის შესახებ მომღერალი Instagram-ის საკუთარ გვერდზე წერს.

მომღერლის თქმით, უინფრი დუმდა, ახლა კი, "ისე იქცევა თითქოს საქმის კურსში არ იყო".

"უი, ხო დამავიწყდა, ბოდიში...შენ მხოლოდ ჭორის დონეზე იცოდი, რომ ვაინშტაინი ახალგაზრდა გოგო მსახიობებზე პერიოდულად ძალადობდა. ისინი არც კი იცოდნენ, რაში ყოფდნენ თავს. დამნაშავე ვარ, მაპატიეთ", - წერს სილი ჰეშთეგით #SanctimoniousHollywood  (#ფარისევლურიჰოლივუდი).

მან ასევე ჰარვი ვაინშტაინის და ოპრა უინფრის ერთობლივი ფოტო გამოაქვეყნა, წარწერით "როდესაც შენ ათწლეულების განმავლობაში ხარ პრობლემის ნაწილი, თუმცა მოულოდნელად პრობლემის გადაჭრის საშუალება ხდები".